Etablering av samarbeid med Thüringen

Oppland fylkeskommune er på utkikk etter nye samarbeidsregionar i utlandet. Thüringen i Tyskland er av mange årsaker eit naturlig valg:

• Tyskland er eit viktig samarbeidsland for Norge, bl.a. innan handel, kultur, politikk og utdanning (jf. regjeringa sin Tysklandsstrategi).
• I Thüringen kan ein støtte opp under og bygge vidare på allereie eksisterande samarbeidsrelasjonar (vennskapsbyavtale Lillehammer-Oberhof, Vennskapsforeininga Lillehammer-Oberhof, skulesamarbeid, studentutveksling).
• Oppland og Thüringen har mange fellestrekk og kan ha gjensidig nytte av samarbeid og erfaringsutveksling.
• Det er mange aktuelle område/aktører: Vidaregåande opplæring, grunnopplæring, internasjonalt servicekontor, høgare utdanning, reiseliv, kultur, kulturvern, vintersportsregionprosjektet, mm. 

Internasjonal komité hadde saka oppe i sitt møte 9. mars og sendte over forslag til fylkesutvalget om at det skal jobbast vidare med dette. Fylkesutvalget behandla forslaget i sitt møte 21. april.