Prinsipp for etablering av bilaterale samarbeidsavtalar

I OFK sin internasjonale strategi for perioden 2009-2014 blir det slått fast at: Oppland fylkeskommune skal ha et bredt internasjonalt nettverk og bruke dette aktivt opp mot deltakelse i programmer og finansieringsordninger.

Gjennom bilaterale samarbeidsavtalar kan Oppland fylkeskommune bygge solide relasjonar til andre regionar i eit langsiktig perspektiv. Avtalane er eit fundament for samarbeid på mange ulike fagområde.

Før fylkeskommuna utvider sitt internasjonale nettverk, må ein spørre seg kva ein ønsker å få ut av samarbeidsavtalane og kva OFK har å bidra med inn i eit partnarskap:

• Via avtalane kan ein lettare kome i kontakt med aktuelle partnarar til konkrete prosjekt.
• Ein har behov for å utveksle erfaringar og lære av andre som har tilsvarande utfordringar.
• OFK ønsker å legge til rette for internasjonale aktivitetar i Opplandssamfunnet og bilaterale avtalar vil danne ei ramme for slike aktivitetar.
• Ved å inngå bilaterale avtalar kan det utviklast robuste samarbeidsrelasjonar i eit langsiktig perspektiv.
• Internasjonalt samarbeid tilfører nye impulsar og ny kunnskap som vil kome til nytte i vårt eige utviklingsarbeid.
• Samarbeidsavtalar med regionar i EU-land kan vere nyttige kanalar inn til EU-systemet.

I arbeidet med avtalar må det vere fokus på gjensidig nytte, og dermed er det også viktig at OFK klarar å selge seg inn som ein interessant partnar overfor regionar vi ønsker å samarbeide med. Kva OFK kan tilføre ein samarbeidsregion vil sjølvsagt variere, og dette er noko som må diskuterast og avklarast i etableringsfasen.

God faglig og politisk forankring bør vere eit viktig prinsipp for etablering av ein ny avtale. Det bør vere konkrete planar om aktivitet innan minst to fagområde. Den totale avtaleporteføljen bør reflektere eit visst mangfald; geografisk, språklig og kulturelt. Fylkeskommuna sitt arbeid bør til ein viss grad samsvare med nasjonale satsingar og prioriteringar, og OFK bør derfor samarbeide med regionar i land som er viktige samarbeidspartnarar for Norge. Det er naturlig med eit hovudfokus på Europa, men nord/sør-perspektivet må også vere med, og minst ein av samarbeidsavtalane bør vere med ein region i sør.

Internasjonal komité hadde oppe denne saka 9. mars og laga ei innstilling til fylkesutvalget. Fylkesutvalget vedtok dei endelige prinsippa i sitt møte 31. mars.